香港是非八掛組 – Mtime时光网

「女模」「靚仔」拍拖有怪癖

户口已锁 — Thu, 29 Oct 2009 19:30:32 GMT

「女模」跟「靚仔」的高調，可謂從未試過如此受落。「女模」的公司一早睇通搵錢時機，早早公開二人的情侶關係，反而「靚仔」的經理人初時不太接受，但見商機無限，也就盡情利用，惟有妥協。

　　「女模」跟「靚仔」之所以合拍，是因為大家都對整容有特殊癖好。「女模」五官幾乎全部做過手腳，「靚仔」就修鼻近10次，每次都整一點點，慮積下來舊朋友都幾乎認不到他。最好笑的是兩個人有事沒事都拿對方的整容前後作比較，然後綜合意見下次要整甚麼，看來亦是小情侶相處的生活情趣。

「肉彈」玩弄感情雙失知悔

户口已锁 — Thu, 29 Oct 2009 19:29:42 GMT

「肉彈」經過多年辛苦經營，終於可以正式從良，做回正經人家。

　　「肉彈」年輕為養家，完全沒考慮女孩子要嫁好人家，就要謹慎言行，無遮無掩賺到生活安定，卻一直無法遇到對她認真的好男人。

　　「舞王」是難得的其中一個，但拍到一段時間，又被她嫌太悶，竟然暗地和「富家子」玩地下情，不能公開是因為對方亦有「才女」做正印，四角戀拖拉了一段時間，搞到「舞王」下定決心提出分手，「富家子」亦不敢太放肆，令到「肉彈」一夜之間女變成雙失，諗東諗西玩起命來，「舞王」堅持分開，不為所動，「肉彈」知道玩出火，後悔不已！

蟻仔摸胸辨認靚女

户口已锁 — Mon, 19 Oct 2009 06:15:38 GMT

鹹濕幕後「蟻仔」身邊美女如雲，羨慕死人，不過，由於呢啲靚女車輪轉咁多，連蟻仔自己都搞唔清啲靚女邊個打邊個，即係話見到個樣唔記得個名嗰種。關仁聽聞蟻仔有一個方法分辨到班靚女，就係憑「胸」認人。有老友曾經同蟻仔夜蒲，睇住佢對班女仔借醉揩油，話只要俾佢摸一摸心口，就能夠講得出嗰個女仔個名，班女仔為咗討好蟻仔靠佢上位，當然係任摸唔嬲啦。

膠冰孤寒充闊佬

户口已锁 — Mon, 19 Oct 2009 06:15:11 GMT

「膠冰」自從拎咗個公仔箱皇帝蟹獎座後，自以為聲價百倍，最鍾意扮大佬，早排佢拍《馬桶撞橋》時，每日就拎兩嚿水萬歲，仲話請晒台前幕後全部人 tea，但實情齋買飲品都唔夠分啦！所以佢所謂嘅闊綽都出手甚低。

轉右包 10圍

關仁八到膠冰最搞笑係有日大隊拍攝一場大場面，嗰日動用過百臨記，拍完之後所有人去餐廳開飯，坐滿 10圍。膠冰同同劇嘅有錢仔「轉右」同枱，膠冰為咗顯露佢嘅大佬風範，同餐廳職員講話呢枱由佢請客埋單，點知職員話轉右一早包晒 10圍人嘅食飯錢，膠冰聽完即刻晒溶膠。嗱，真豪定假豪，一出手便知有沒有啦。

「高妹」箍天王自抬身價

户口已锁 — Mon, 28 Sep 2009 08:30:16 GMT

藍血天王前排趁高妹返大陸做功夫嫂，竟然唔怕濕熱去偷芒，搞到高妹不知幾咁擔心，成行都知佢做嘢都係睇住緋聞叫價啦，實在的能力根本就沒有，佢不知幾驚自己變成 EX「降呢」，周圍放風講藍血，暗示兩個仲係拖友關係，之後仲不斷開出天價，嚇走唔少品牌，擺出一副有價有市嘅阿嫂姿態。其實高妹應該學下正牌天王嫂，做左阿嫂都係收收埋埋，甘心做背後嘅小女人，又唔會搞咁多小動作，咁先抵錫，而且仲不知幾多野做。呢一行扮野太過份始終都無運行的！

「小 Q」未入門秘密落仔

户口已锁 — Mon, 28 Sep 2009 08:27:39 GMT

女藝人「小 Q」搭上個有錢嘅有婦之夫，仲搞到人哋離婚收場，雖然小 Q仲未同個有錢佬結婚，但已經不時出入名店，成個闊太咁。聽聞小 Q早幾個月同個有錢佬搞大左個肚，但由於佢始終仲係娛樂圈發展，唔想受輿論壓力，怕俾人話係狐狸精，於是靜雞雞走去墮胎。

聽聞有錢佬個老婆其實兩年幾前已經收到風，懷疑自己老公同小 Q搭上左，於是搵私家偵探調查，發現真相後大受打擊，最終老公變左心，點救都救唔番。

「大話犀牛」神經質怕信人

户口已锁 — Mon, 28 Sep 2009 08:26:36 GMT

呢排「大話犀牛」終於開始面對現實，因為佢仲要食呢行飯，惟有硬住頭皮行番出黎見人。犀牛份人一直都好保護自己，佢行事非常小心，而且凡事親力親為，其實因為佢信唔過其他人，因為佢以前信錯人，一個係「再世潘安」，一個係「美人魚」，尤其是美人魚死纏佢唔放手，經過呢兩次教訓，佢唔敢再信人，都係信自己好D。

要親手交衫

不過犀牛始終都要搵番個人幫下手，佢有位左右手「粉紅」，係唯一一個令犀牛有信心嘅人，好似有次犀牛出席慈善活動，佢準備除衫上台，咁岩助手唔係度，佢又唔想交件衫畀其他人過手，於是叫人四圍搵，最後要親手交件衫畀粉紅先安心，只係一件衫都咁小心，唔怪之得咁多年來佢收埋個女人唔會爆出黎！

「細妹」醉豬嘴嚇壞人

户口已锁 — Mon, 21 Sep 2009 09:56:38 GMT

上一代啤酒妹「細妹」早排傳婚變，有傳話係因為佢好鬼爛飲所致，關仁知道細妹真係有鋪追酒癮，佢雖然都算千杯不醉，但就好鍾意飲烈酒，仲鍾意將佢哋亂溝一通。

男女通殺

細妹每次飲酒都好鍾意喺場中周圍搵人錫，不論男女通殺，鬼咁失儀，搞到身邊朋友都好怕同佢夜蒲，因為次次佢除咗好似樹熊黐實人之外，又必飲到唔肯返屋企，所以朋友對細妹都避之則吉。

「蚯蚓」吊高嚟賣失約

户口已锁 — Mon, 21 Sep 2009 09:56:12 GMT

一向口才了得嘅「蚯蚓」，本來算係公仔箱大騷級數嘅女司儀，但自從「貝殼」離開咗佢嘅舊公司後，公仔箱就頻頻搵貝殼做司儀，搞到蚯蚓冇啖好食，嚟緊蚯蚓同公仔箱嘅經理人合約就快滿，但蚯蚓竟然冇續約，據關仁聽聞，蚯蚓今次續唔成約，責任最大在於佢自己。話說蚯蚓覺得自己同「刀刀姐」差不多級數，所以唔係大騷都唔肯接，而外面嘅工作又企硬要收人哋 4、 5萬蚊一個 job，搞到冇乜人敢搵佢，加上蚯蚓今次續約又想加人工，傾續約嘅事公仔箱自然拖住先，結果咪搞到蚯蚓自己冇癮走人囉。

「小旗子」割完眼再整鼻

户口已锁 — Mon, 21 Sep 2009 09:55:28 GMT

近呢幾年無論男女藝人都有鋪變臉整容癮，雖然整容已係普遍風氣，但係始終香港藝人都係敢做唔敢認，成日都話係化妝技巧先令到自己靚咗喎。

好似呢年冒升得好快嘅歌壇「小旗子」，由以前箍牙唔起眼嘅豬扒樣，變到今時今日咁省鏡，變咗雙眼皮之後成個人 sharp晒，雖然唱片走音，人品又差，小旗子最近得一想二，又想喺個鼻同下巴做手術再搞靚自己個樣，當然而家係靚左，但係過多幾年後遺症會慢慢出現，希望小旗子唔好貪得無厭，識得適可而止。

「舞后」情路坎坷增值自保

户口已锁 — Sat, 19 Sep 2009 18:39:09 GMT

「舞后」最近人氣旺，連樣子也變得順眼，畢竟行運一條龍嘛。更重要是她終於走出與「打仔」的分手惡夢。

　　「打仔」性格火爆，而且與生俱來就是大食懶不事生產，「舞后」一個人搵兩個人使，以為有情飲水飽，但「打仔」一直想識有錢女，搭上「瘦精」未夠兩星期就飛起「舞后」。

　　「舞后」為此閉關兩個月，以淚洗面，然後苦練舞技希望重新做人，亦因而與「二」撻著，而且愛得十分認真。問題是「二」被高層點名要維護形象，所以新戀情不能見光，「舞后」當然無奈，只怕遲些男方事業更上一層樓，自己又要成為犧牲品，她亦惟有多線發展，以防沒有愛情也有事業的保障。

「衰格姊妹花」臭味相投　攝影師鬧爆「長頸鹿」

户口已锁 — Tue, 15 Sep 2009 17:22:53 GMT

自從「牛魔王」單嘢之後，媽咪姐感觸好深，亦證實「藝人有唔少係偽人」呢句說話完全冇誇張到。就講早排，喺雜誌社做攝影師嘅老友，就喺媽咪姐面前鬧爆嗰對扮晒鬼妹仔嘅「長頸鹿」同「三寸釘」臭寸姊妹花。
老友邊講仲邊噴晒火：「我同呢兩個嘢都唔知有冤定有緣，佢哋嚟我哋公司影相，咁蹺都係我跟，真係俾佢兩個激到隔夜炭爐都吹得着。」咩事？快啲講。

「早嗰排，公司搵『長頸鹿』幫我哋影輯有關運動嘅相，事先都溝通好咗，啲相要表現出活潑之中又帶有sporty。點知嗰隻『長頸鹿』一嚟到，見到借番嚟啲運動衫，就嚟一句：『乜要着呢啲咁嘅衫咩？』但啲運動衫全部係名牌嚟o架。隻『長頸鹿』係咁扭扭擰擰一輪後死死氣着咗。到埋位影相，要佢做啲伸展嘅動作，點知佢嘴藐藐咁話：『低唔低B啲呀？呢啲甫士我唔識擺喎！』之後只肯擺啲企戙戙嘅甫士。同佢拗咗一大輪，谷鬼氣，咪同個編輯講，既然佢咁唔滿意，不如就咁算嘞。當時個編輯都俾『長頸鹿』搞到冇晒符，惟有求求其其影兩張就送佢走頭咯。」攝影師話輯相結果當然冇出到，全人類白做一場。"

"「長頸鹿」咁衰，佢好姊妹「三寸釘」都係咁衰、咁惡搞咩？
老友擰到頭都甩：「『三寸釘』就唔係純影相，係搵佢做專訪。照計佢都冇幾何有人同佢做訪問，應該飯應先係，點知又係咁惡搞。
「人哋記者問吓佢嘅感情嘢，好似同『前輩蛇』嘅緋聞之類，哈，佢即刻黑晒面口，藐到嘴都歪，鬧個記者好問埋呢啲嘢，仲話唔會答啲無聊嘢。
「影相嗰陣又係，又話咁唔啱角度、咁影唔好睇。好似佢先係攝影師咁。唉，啲衰格嘢完全如出一轍，唔怪得呢兩件『神枱貓屎』咁啱 key啦。絕對係『臭』味相投。」
照媽咪姐睇，佢哋平日同傳媒關係已經麻麻，難得一次有人搵，應該高興都嚟唔切，仲要擺晒臭款。睇怕再係咁寸，兩姊妹攬住一齊死咋！"

「整形人」玩封殺自食惡果

户口已锁 — Tue, 15 Sep 2009 16:54:40 GMT

「整形人」心腸麻麻，近年幾乎零工作，為因結下太多仇家。好像每次見到後起之秀，都會運用勢力手起刀落玩封殺。

　　例如「竹昇妹」被逼嫁人，也是被「整形人」送一程，見當日她來勢洶洶，就跟相熟客戶打毒針，批評她的工作態度麻麻，令她剛建立的事業遇阻滯。

　　「天王嫂」好在後台硬淨，「整形人」故技重施卻敵不過對方的人氣，反而自設陷阱，被行家以老、以醜來攻擊，加上「大水喉」不再放水，最近頻頻致電新知舊雨搵工做，認真落泊。

「嬌嗲」閃電嫁人難善終

户口已锁 — Tue, 15 Sep 2009 16:52:58 GMT

「嬌嗲」玩閃電結婚，頗有一種不顧一切的勇氣。其實女人到一定年紀就想嫁，「嬌嗲」之前跟「有成」拍拖多年，青春少艾一拖就幾年，每次以為「有成」會負責任，最後都不了了之，令她十分失望。

　　「新歡」一早想找個可以幫助自己提高知名度的人配對，「新歡」見「嬌嗲」條件適合，於是快馬加鞭，又擺出家財豐厚的姿態，拍拖未滿3個月就求婚，正好符合一向恨嫁的「嬌嗲」下懷，不過知情人士也替女

「大導」有惡妻冇腰骨

户口已锁 — Tue, 25 Aug 2009 20:54:21 GMT

大導大隻講係人品好講義氣，但近年佢同經理人 Peter關係就差咗好多，好似上年佢哋喺京城開工，大隻講住喺邊都唔可以畀 Peter知，因為大隻講家有惡妻，唔畀人直接搵到佢老公。呢隻河東獅同奶奶關係亦好差，早排大隻講媽咪有事，要個仔寄錢幫忙，大隻講就靜靜雞叫 Peter幫佢滙錢畀阿媽，點知事後有二五仔爆畀佢老婆知，佢老婆嬲到直闖入工作室，唔理老公開緊會，拍枱大鬧，仲要喝令佢即刻炒咗 Peter。大隻講喺現場竟然唔敢駁老婆，結果辣㷫 Peter劈炮返咗去花旗國，咁大隻講啲嘢冇人識跟進，結果死死氣番經理人返嚟。

「小公主」遮人出鏡冇品

户口已锁 — Tue, 25 Aug 2009 20:53:39 GMT

女歌手「小公主」經常以得意可愛形象出現，不過同佢合作過嘅歌手就好惡頂佢嘅 cutie，近排有歌手大呻最怕同小公主合作做騷，啱啱之前嘅賑災騷，大會安排大班青春歌手一字排開唱歌，仲揮手做動作配合，但小公主最鍾意揮手時起踭遮住身邊歌手塊面，領教過佢呢招批踭嘅，下次都醒目識避開佢，但唔知道嘅就好容易領嘢。

「健碩兒」猴擒嚇走老外

户口已锁 — Mon, 17 Aug 2009 19:18:49 GMT

大口大面兼身材勁嘅「健碩兒」，早輪因為扭計，被三色台判監守行為，家先放番出嚟拍劇。講開健碩兒，佢同「無情威」拍過拖，原來佢有鋪 check人癮，不時偷睇男友嘅手機同電腦，搞到男友冇晒私隱，冇耐分手。後來健碩兒同咗「歪嘴」型男發展，用同樣手法 check人，最後又分手。佢家搶走咗纖體公司太子女嘅老外男友，點知佢太猴擒，叫人送層樓畀佢，嚇窒老外，結果又係分手。

「蠔屎」先係愛情騙子

户口已锁 — Mon, 17 Aug 2009 19:18:30 GMT

人不可以貌相，一直以為斯斯文文嘅「蠔屎」係乖仔，冇乜同女星傳過緋聞，但原來唔係咁。關仁聽聞蠔屎先係新一代媾女王，仲好鍾意玩一夜情。早排「翠麻花」大爆入行後遇到愛情騙子，搞到大家以為係「飛魚」同「矇豬眼」，其實翠麻花所指嘅係蠔屎。聽聞當日男方同女方合作完，冇耐就花言巧語冧女方一夜情，翠麻花即時 say no，之後就面左左喇，相信蠔屎點都諗唔到翠麻花會踢佢單嘢出嚟。

斷背鴛鴦同人唔同命

户口已锁 — Mon, 17 Aug 2009 19:16:24 GMT

喺唱家班中，有兩啤斷背情人，其實已經係半公開嘅秘密，有次「小可愛」生日，成班人約去私竇慶祝，席間當然有情人「瘦皮猴」，另外仲有位好友「飛機仔」都有份出席。當飛機仔到達私竇後，由另一對斷背情人出嚟迎接佢，呢啤咪係「 D姐」同「 J姐」囉，佢哋好開心咁一齊出門迎接，十足主人家咁款。

小可愛受罰

呢期因為公司嗌閂水喉，加上小可愛同瘦皮猴過度癡纏，所以公司乘機懲罰小可愛，搞到佢連影都冇埋。其實佢都有人辦睇，佢嘅斷背師姐 J姐都因為咁樣曾經俾公司整治過，不過因為師姐始終係有料之人，先至奈佢唔何，小可愛冇背景又冇人撐，好在佢有個有情郎，事業同愛情好難兩全其美嘅。

「姐仔」搞地下情受盡委屈

户口已锁 — Fri, 14 Aug 2009 07:09:11 GMT

自從和「黑底」分手，「姐仔」好不容易才跟長期合作的「馬面」共譜戀曲。

　　「黑底」睇中「有錢女」後，沒有交代就即時飛起「姐仔」，令她情傷多時，深受打擊。

　　其實年前「馬面」被視為一哥接班人，當然不會隨便公開戀情。加上老頂「大家姐」一直對「姐仔」象麻麻，所以要「馬面」為自己想，屢勸斬情絲。

　　縱使二人多次被拍下鐵證，「馬面」都絕口不提，否認對方的女友身分。「姐仔」有苦自己知，但每次受委屈後，「馬面」又又講好話，盲目的愛情令她一再原諒「馬面」，但亦心知一旦對方事業起飛，自己遲早也要被犧牲，如今果然被估中。